අසීමිත විශ්වය සොයා ඇදෙන වොයේජර් - 1 යානයේ Golden Records නම් තැටි කිහිපයක් ඇත... යම් දිනෙක අපරිමාණ විශ්වයෙහි වඩාත් බුද්ධිමත් ජීවයක් විසින් එම යානය ප්‍රතිග්‍රහණය කරගෙන මෙම තැටි තුළ අන්තර්ගතය පිරික්සුවහොත් අප සහ අපගේ ග්‍රහ ලෝකය ගැන කදිම අදහසක් ඔවුන්ට ලබා ගත හැකි වන ලෙස ඒවා සකස් කර ඇත... මේ Golden Records වල පහත දෑ තැන්පත්ය...
පෘතුවිය සහ එහි මානව ශිෂ්ඨාචාරය නිරූපණය කෙරෙන ඡායාරූප 116 ක් ඇත... අපේ ලොව ජීවීන්, සුන්දර ස්ථාන, මිනිස් වර්ගයා, මිනිසාගේ නිර්මාණ ආදී දෑ එම ඡායාරූප වල අන්තර්ගතය...
ලොව ස්වභාවික ප්‍රපංචයන්ගේ නාදය එහි අන්තර්ගතය - සතුන් කෑ ගසන හඬ, මුහුදේ නාදය, ගිරි ශිඛර වල සුළං හමන නාදය, වනයක ගස් වල කොළ සෙලවෙන නාදය, වැසි වැටෙන හඬ, අකුණු පුපුරන නාදය, ගිනි කඳු පුපුරන හඬ, භූමිකම්පාවක හඬ ආදිය.....
1977 ජූනි 16 වන දින මෙම යානය අභ්‍යවකාශ ගත කරන විට ඇමරිකානු ජනාධිපතිවරයා වූ ජිමී කාටර් මහතා තැන්පත් කළ විශ්ව ජීවීන් ඇමතූ පණිවිඩය...
මොසාර්ට්, බෙතෝවන්, රවි ශංඛර් ඇතුලු පෙර අපර දෙදිග ලෝ පූජිත සංගීත වේදීන්ගේ සංගීත තනු නිර්මාණ වල ඛණ්ඩයන්...
මෙහි සුවිශේෂිතම කාරණය වන්නේ මෙයයි.. මෙම තැටි වල පෘතුවියෙහි ඉපැරණිතම භාෂා 55 කින් පටිගත කරන ලද සුබ පැතුම් 110 ක් තිබේ... මේ සඳහා පෘතුවියෙහි ඉපැරණිතම සහ සාහිත්‍යමය වශයෙන්ද, පාණ්ඩිත්‍යයෙන්ද පොහොසත්ම ව්‍යාකරණයක් ඇති භාෂා තෝරා ගෙන තිබේ... එසේ කර ඇත්තේ අතීතයේදී මේ ශිෂ්ඨාචාර පිටසක්වළ ජීවය හා සබඳතා පැවතූ බවට ඇති මති මතාන්තර ආදිය සැලකිල්ලට ගෙනය...
විශ්වයට කථා කරන්නට යැවූ මේ භාෂා 55 අතුරින් 42 වැනි භාෂාව කුමක්දැයි ඔබ දන්නවාද....?
ඒ සිංහල භාෂාවයි...
උපුටා ගැනීම:
www.facebook.com/sirisaddharmaya
"Siri Saddharmaya සිරි සද්ධර්මය" පිටුවට
.jpg)
0 comments:
Post a Comment